Profesie 61
Waar Is Al My Heilige Mense Wat Hulle Heilige Hande Vir My, Yahuveh, Oplig!
Gegee aan Apostel Elisheva Eliyahu
11 September 2002, 11:45 in die oggend
Hierdie kom uit Profesie 105, YAHUVEH het beveel dat dit op alle
Profesieë bygevoeg moet word van nou af:
EK het jou lank gelede gewaarsku [Elisheva] om nie hierdie Bediening na ‘n man
of ‘n vrou te vernoem nie selfs nog voordat daar ‘n Bediening was. EK het dit in
jou gees geplaas want niks hiervan was deur jou eie toedoen nie, niks hiervan
het uit jou mond voortgekom nie. Dit is uit die Mond van YAHUVEH geboorte gegee.
Dit is uit die Mond van YAHUSHUA jou MASHIACH geboorte gegee. Dit is uit die
Mond van die RUACH HA KODESH jou IMMAYAH geboorte gegee. As dit net deur jou
hand was sou dit lankal misluk het. Dit is deur die SHKHINYAH HEERLIKHEID se
Wind wat oor hierdie aarde waai, die Heilige Wind van Herlewing, dit is nie deur
jou asem nie anders sou dit misluk het (Jesaja 42:8)
In Julie 2010 Het YAHUVEH GOD beveel dat die volgende bygevoeg word voor elke
Profesie:
2Kronieke 36:16
“Maar hulle het die boodskappers van ELOHIEM uitgelag, SY Woorde verag en met SY
Profete gespot totdat die gramskap van YAHWEH teen SY volk opgekom het, totdat
daar geen genesing meer was nie.”
*******
Ek is wakker. Ek is besig om wakker te word op die 11de September. Vader het met
my gepraat terwyl ek nog geslaap het. HY het my wakker gemaak met hierdie woorde.
En nou, nou op hierdie oomblik, selfs terwyl my oë nog toe is, gaan ek nou
in-tree vir hierdie land op die 11de September. Ek sal die woorde voortspreek
wat HY wil hê ek moet sê. [Begin praat soos met die uitlegging van tale.]
*******
[Elisheva], EK gee jou hierdie verantwoordelikheid om hierdie woorde voort te
spreek nou. Dat hierdie Bediening nou hierdie waarskuwing gaan voortspreek.
Selfs terwyl [Elisheva} geslaap het, het EK met haar gepraat om vir haar te sê
wat om te sê, selfs terwyl haar vlees nou steeds begeer om te slaap. Selfs
terwyl haar oë nog toe is, spreek EK hierdie woorde voort. Dit is 11 September
2002. En terwyl EK oor die mensdom kyk om te sien wat hulle gedoen het met hulle
beskore tyd, die ekstra tyd wat EK die aarde gegee het, wat is dit wat EK sien?
Wat is dit wat MY oë aanskou? Want EK beantwoord die gebede van die regvergdiges
wat uitroep in MY Naam, in die Naam van YAHUSHUA ha MASHIACH, MY Seun. Hulle
roep na MY en sê, "Gee ons meer tyd om die verlore siele te bereik" en so het EK
dit gedoen.
Dit is wat MY oë aanskou. Mans wat by mans lê, vrouens wat by vrouens lê, babas
vermoor in die baarmoeders, die mens geneig om boser te wees elke dag. Dit is
geensins anders as in die dae van Noag toe EK die aarde vernietig het nie. Maar
EK het die regverdiges gespaar, die gehoorsames, Noag en sy familie. So weereens
sê EK en EK waarsku. EK sal alleenlik die regverdiges spaar. Van 11 September
2001 word daar gepraat regoor die wêreld, maar net oor die tragedie, net oor die
verwoesting. Hoe min gee MY die Eer, want EK het lewens gered wat nie eers
redding verdien nie. Maar in plaas daarvan om hierdie dag te gedenk om aan MY
Heerlikheid te bring vir al die wonderwerke wat EK gedoen het, hoor EK eerder
hoe MY Naam beswadder word, "Hoe kon God dit gedoen het?"
Selfs MY eie predikers wat MY Woorde spreek praat asof EK geen reg gehad het om
oordeel oor hierdie aarde te bring nie. EK is die Skepper. Julle vergeet julle
is die skepsels, en daarom is EK bedroef op hierdie dag terwyl EK dit hoor keer-op-keer.
Vergeet julle wie is die regter van die ganse skepping? Van wanneer af moet die
skepsels die Skepper oordeel? EK kyk na die woord "huwelik". EK sien wat dit vir
julle verteenwoordig. EK het Adam en Eva geskape. Waarom trou mense van
dieselfde geslag dan? Alles wat EK gesê het ‘n gruwel is, hoekom verhef hierdie
aarde dit nou? Asof in trots neem hulle die sondes van hierdie aarde en gooi dit
in MY gesig en waag dit nou om te sê, "Ons is die skeppers, ons sal ‘n nuwe
mense-ras skep."
Waar is al MY Heilige manne wat hulle heilige hande ophef na MY? Hoekom is hulle
nie die geestelike hoofde van die huishoudings nie? Hoekom regeer die vrouens
die huwelike? Hoekom is die mans ineengekrimp in die hoeke? Weereens moet EK die
Deborahs regoor hierdie wêreld oprig om die werk te doen wat die mans
veronderstel is om te doen. Dit is die vrouens wat MY Woord ken, nie almal nie,
maar in so baie gevalle is dit die vrouens wat sê, "Hierdie is die ware Sabbat
dag, ons sal dit eerbiedig." Dit is die vrouens wat die kinders neem en hulle
geestelik grootmaak en dan wonder julle hoekom ‘n huis wat verdeeld is val.
Julle wonder hoekom die oortredings van die jeug styg, julle wonder hoekom julle
skole ‘n plek is wat selfs die mees geharde krimineel sou vrees. Julle wonder
hoekom die kinders die ouers regeer. Dit is omdat julle MY stemme nie wil hoor
nie. MY stem wil julle nie hoor nie.
MY Goeie Boek word verwys na as net nog ‘n boek. Die Wette word verwys na as
oudtyds. EK neem waar vandag, wat doen MY kinders met die nuwe kennis wat hulle
nie voorheen gehad het nie. Want julle word aanspreeklik gehou vir wat julle
weet. As julle nie geweet het hierdie Heilge Feeste is Heilige Dae vir MY nie,
dan was julle nie aanspreeklik gehou nie. Maar EK wys nou vir julle hoe hierdie
Hoogs- Heilige Dae, hoe die Heilige Fees Dae goed genoeg was vir MY Seun,
YAHUSHUA, om te vier. Hoeveel te meer behoort julle hulle te hou.
MY Seun YAHUSHUA is die Here van die Sabbat, die Here van die Shabbat, selfs al
ken julle die regte dag, vul hoeveel van julle steeds die kerke op ‘n Sondag?
Julle predikers gaan aanspreeklik gehou word, keer-op-keer het EK gesê, "Julle
eer die mens se Sabbat en stoot MY ware Sabbat opsy." Dit is goed genoeg vir die
Skepper, maar die skepsels dink hulle het ‘n uitnemender weg.
So op hierdie dag van 11 September kyk EK oor die aarde en as dit nie was vir
die gebede van die regverdiges wat baie vermag het nie, sou verwoesting na die
aarde toe gekom het hierdie dag. Maar in plaas daarvan het EK vir julle meer
beskore tyd gegee, alhoewel EK MY ware kinders hoor sê, "O kom YAHUSHUA, kom
vinnig, vandag." Hierdie aarde is uiters vasbeslote, selfs die aarde sidder en
bewe in vrees, want die aarde weet die regter van die ganse skepping gaan
hierdie aarde oordeel en gaan vinnig verskyn. Julle waters is besoedel as gevolg
van mensgemaakte sonde, julle wis diere spesies uit omdat julle net eenvoudig
wil moor of omdat julle hul habitat wil uitwis vir julle eie dwase doelstellings.
Maar EK het elke spesie in die Hemel bewaar, spesies wat hierdie aarde nie meer
sien nie en MY Kinders wie se tuiste in die Hemel sal wees, wees verseker,
hierdie spesies word vir julle bewaar.
EK het julle lief MY geliefde kinders, diegene wat nou nie bang is om alles te
doen wat EK sê nie, diegene wat die Heilige Dae respekteer, diegene wat uitroep
en verlang na YAHUSHUA om te kom. Hulle roep soos die vyf (5) wyse maagde. Hulle
het die olie in hulle lampies terwyl hulle wag en hulle het ook ekstra olie
boonop want hulle weet nie watter uur of watter dag nie. Hulle weet HY
[YAHUSHUA] sal terugkeer op ‘n Shabbat, maar watter Shabbat? EK het vir hierdie
diensmaagd gesê dit sal op ‘n Rosh Ha Shanah wees en sal een (1) koms sal wees,
maar watter Rosh Ha Shanah?
MY woord sê HY kom in die middernag uur maar watter middernag uur? So, terwyl MY
geliefdes probeer bereken watter uur MY Seun sal kom, MY dierbares, hierdie is
dwaasheid. In plaas daarvan werk net vir MY en vertoef, hou julle lampe verlig,
werk om die enigste skat te bring wanneer jy die aarde verlaat. Want niemand
gaan weet nie, soos ‘n dief verskyn in die nag, so sal die Liefde van jou lewe.
Maar sal HY jou vind sonder vlek of kreukel?
Want vroue-gades julle simboliseer die Bruid, manlike-gades julle simboliseer
die Bruidegom. Dit is hoe julle sal weet as julle behaaglik is vir MY. Die vroue
wat goddelike mans het, wat uitroep in YAHUSHUA se Naam wat alles doen wat hulle
kan om MY en MY Woord te gehoorsaam. EK vra julle dit, “Doen julle alles wat
julle kan om gehoorsaam te wees aan daardie gelowige man?” EK vra hierdie vir
die mans wat die Bruidegom simboliseer, “Doen julle alles wat jul kan om haar
lief te hê en te beskerm, om die kop te wees en nie die stert nie? Verdien julle
hul respek dat sy begeer om aan jou gehoorsaam te wees op die manier wat die
Bruid van YAHUSHUA aan HOM gehoorsaam behoort te wees? Bid jy saam met jou
familie? Is jy op jou knieë saam met jou vrou? Hou jy haar hand vas wanneer jy
bid? Seën jy jou kinders? Hou jy MY Heilige Dae? Eer jy MY op die ware Sabbat,
of het julle maar net julle plesiertjies en julle manier? Is jy ‘n voorbeeld van
die goddelikheid?”
Hierdie is vrae wat EK julle vra hierdie dag. Staan julle op vir heiligheid en
geregtigheid of soek julle vir pornografie op die internet? Dink julle julle
sonde is weggesteek in die geheim selfs diegene wat agter kansel staan? Is jy
waardig vir die respek van die woord ‘manlike eggenoot’ want jy staan vir die
Bruidegom wat kom? MY Seun regeer met liefde en barmhartigheid. Dink julle julle
gaan jul huishouding regeer met niks anders as brute krag nie? Bekeer vandag,
diegene wat hulself manlike eggenote noem, want so baie van julle is nie die
respek waardig van julle vroue nie. Maar vir die mans wat‘n weerspieëling is van
die spoedig komende Bruidegom, julle is daardie respek waardig en julle moet
daarop aandring dat julle huishouding alles respekteer waarvoor julle staan. En
hulle sal jou liefhê en hulle sal jou eer en hulle sal begeer om te gehoorsaam
net so seker as die Bruid van YAHUSHUA begeer om te gehoorsaam.
So in plaas daarvan, om op hierdie 11de September, om julle Skepper te beskuldig
of te luister na diegene wat julle Skepper beskuldig, laat sak julle koppe in
skaamte, want die geskape een wat EK gevorm het uit stof, net ‘n grondklont in‘n
hand, en EK het daarin geblaas en die mens geskape, het geen reg of plek om die
Almagtige God YAHUVEH, die Skepper, te oordeel nie. Oordeel gaan weer neerreën.
Oordeel het reeds begin. Eerstens het dit begin by die Huis van die Here,
diegene wat genoem word by YAHUSHUA se Naam, en as EK nie MY eie huis spaar nie,
hoeveel te meer sal EK die heidene oordeel vir die stank van hulle sondes.
So het EK gespreek hierdie dag tot hierdie diensmaagd, en sy het MY gehoorsaam
en gee nou vir julle hierdie woorde op 11 September 2002, so is dit gespreek, so
sal dit geskryf word. Hoeveel van julle sal MY toelaat om julle kleed vlekloos
en wit te kry voor EK MY Seun stuur. Watter Bruid sal in haar trougewaad staan
oortrek met vlekke en kolle? Vra julself hierdie vrae af wanneer julle MY Seun
smeek om te kom. Sal jy gereed gevind word? Is jou bruids-kleed rein en skoon?
Is daar genoeg olie in jou lamp om aan te hou wag op HOM [YAHUSHUA]? Of sal jy
wees soos die vyf (5) huilende en weeklaende dwase maagde wie se olie opraak in
hul lampies, wat moeg word van die gewag? Wees nou gereed my Kinders want die
middernag uur is laat!
* * * * * * *
So is dit gespreek, so is dit geskryf onder die salwing van die RUACH Ha KODESH,
op 11 September 2002, begin 11:45 vm. en geëindig 12:13 nm.
Ek bring hierdie soos dit aan my gegee was en ek lê dit nederig aan julle voor,
en ek bid net dat diegene met ore sal luister.